Gunnar Páll Pálsson laug á opnum borgarafundi í Háskólabíói

Ég undirrituð spurði formann Verslunarmannafélagsins á opnum borgarafundi í Háskólabíói síðastliðið mánudagskvöld hvort hann sæti í fleyri stjórnum félaga eða fjármálafyrirtækja en hann sat í stjórn Kaupþings í 7 ár og þá hvort hann tæki laun fyrir það. Hann svaraði þeirri spurningu minni þannig að hann sæti ekki í í neinni annari stjórn. Í þessari frétt er sagt að hann sé stjórnarformaður Lífeyrissjóðs verslunarmanna. Maðurinn laug fyrir fullu húsi í Háskólabíói og fyrir framan heimspressuna sem var á staðnum.  Hvað er eiginlega í gangi ?

 

Laun stjórnenda LV lækkuð

Athugasemdir

[Hermann (IP-tala skráð) 12.12.2008 kl. 15:51]

Von að maðurinn hafi gleymt þessu lítilræði. Þetta er kallað bitlingur og tekur ekki að minnast á þetta þegar maður hefur svona mikið umleikis.

[Ella (IP-tala skráð) 12.12.2008 kl. 15:53]

Æi góða besta Sigrún, það hefur marg oft komið fram að maðurinn væri stjórnarformaður lífeyrisjóðsins.  Fylgjast með!  

[Gunnar Páll Pálsson (IP-tala skráð) 12.12.2008 kl. 16:14]

Spurninginn var, situr þú í stjórnum fleiri fyrirtækja? Í ljósi þess að ég sat í stjórn Kaupþings svaraði ég spurningunni neitandi. Ég taldi að það væri vitað að ég sæti í stjórn Lv.

[Ágúst (IP-tala skráð) 12.12.2008 kl. 17:35]

Ég var á sama fundi og ég vissi að hann var í þessari stjórn. Hann laug ekki en hann nýtti sér smugu í spurningunni.

[Sigrún Unnsteinsdóttir (IP-tala skráð) 12.12.2008 kl. 21:25]

Gunnar Páll Pálsson ! Fyrst að þú svaraðir, langar mig til að spyrja þig aftur;

Þú ert sem sé stjórnarformaður Lífeyrissjóðs verslunarmanna samhliða því að vera formaður Verslunarmannafélags Reykjavíkur og til skamms tíma í stjórn Kaupþings.

Spurningin mín var; Ertu í stjórn annara félaga eða fjármálafyrirtækja og hvað þiggur þú í laun fyrir.

Ástæðan fyrir þessari spurningu er sú að mig langaði að vita svona hér um bil hver heildarlaun formanns stéttarfélags míns eru.

[Ella (IP-tala skráð) 13.12.2008 kl. 12:42]

Á bls 24 í ársskýrslu VR 2007 er þessar upplýsingar að finna.  Þessar upplýsingar eru öllum opnar og lítið mál að verða sér út um þær hafi maður áhuga.

Laun yfirstjórnar námu á árinu 2007 samtals 18,7 milljónum króna. Þar af námu laun formanns 12,3 milljónum króna að meðtöldum bifreiðahlunnindum.

Hann hefur semsagt verið með rúma milljón í laun hjá VR að meðtöldum bifreiðahlunnindum.